ह्वाट्सएपको 'भ्यू वान्स' बग सुधार, अब पठाइएको सामाग्री बारम्बार हेर्न मिल्दैन

ह्वाट्सएपले अगस्ट २०२१ मा तस्वीरहरू र भिडियोहरूको लागि ’भ्यू वान्स’ फिचर सार्वजनिक गरेको थियो र डिसेम्बर २०२३ मा यसलाई भ्वाइस मेसेजहरूमा पनि थपिएको थियो । कुनै पनि मिडियामा यो फिचर सक्षम गर्न पठाउने व्यक्तिले सेयर गर्नुअघि ‘१’ आइकनमा ट्याप गर्नुपर्छ ।

'भ्यू वान्स’ का साथ सेयर गरिएका सबै मिडिया सामग्री एक पटक हेरिसकेपछि वा बजाइसकेपछि गायब हुन्छन्, तर हालसालै यस फिचरमा रहेको एक बगलाई लिएर चिन्ता व्यक्त गरिएको थियो, जसले गर्दा भ्यू वन्समा पठाइएका मिडिया पटक–पटक हेर्न सकिन्थ्यो । अब एक रिपोर्टमा दाबी गरिएको छ कि कम्पनीले यो बग सुधार गरिसकेको छ । 

एन्ड्रोइड पुलिसको एक रिपोर्ट अनुसार, ह्वाट्सएपले 'भ्यू वान्स’ मिडिया बग सुधार गरेको छ, जसले प्राप्तकर्ताहरूलाई सीमित समयको मिडियालाई एकभन्दा धेरै पटक हेर्ने अनुमति दिन्थ्यो । रिपोर्टमा दाबी गरिएको छ कि यो समस्या ह्वाट्सएपको आईओएस संस्करणमा देखिएको थियो, जबकि एन्ड्रोइड संस्करणहरूमा यो बग थिएन ।