आईसीटी समाचार
महिला कामदारलाई पदोन्नतिको अवसर नदिने एक्टिभिजन ब्लिजार्डले ५० मिलियन डलर जरिवाना तिर्ने भएको छ । भिडियो गेम निर्माता एक्टिभिजन ब्लिजार्डले महिला कामदारहरूलाई पदोन्नतिको अवसर नदिने र पुरुषभन्दा कम पारिश्रमिक दिने जस्ता भेदभाव गरेकाले कम्पनीलाई ५० मिलियन अमेरिकी डलर जरिवाना तिराइएको हो ।
क्यालिफोर्नियाको नियामक नागरिक अधिकार विभाग (सीआरडी) ले भिडियो गेम निर्माता एक्टिभिजन ब्लिजार्डविरूद्ध महिला कामदारहरूलाई पदोन्नतिको अवसर नदिने र पुरुषभन्दा कम पारिश्रमिक दिने जस्ता भेदभाव गरेको भन्दै मुद्दा दायर गरेको थियो ।
दुई वर्षको अनुसन्धानपछि सीआरडीले दायर मुद्दा दायर गरेको थियो । यसमा यौन उत्पीडन विषय समेत समावेश थियो । तर अब सीआरडी र कम्पनीबीच मुद्दा फिर्ता लिने सम्झौता भएको छ ।
सम्झौता अनुसार, सीआरडीले प्रणालीगत यौन दुर्व्यवहारको मुद्दा फिर्ता लिनेछ भने एक्टिभिजन ब्लिजार्ड जरिवाना तिर्नेछ ।
