आईसीटी समाचार
आजको डिजिटल युगमा, हामी सबैले पासवर्डहरू प्रयोग गरेर आफ्नो व्यक्तिगत डेटा र गोपनीयताको सुरक्षा गर्छौँ ।
चाहे त्यो स्मार्टफोन, जिमेल, अनलाइन बैंकिङ, वा सामाजिक सञ्जाल अकाउन्ट हुन्, पासवर्ड हाम्रो जानकारी सुरक्षित राख्नका लागि आवश्यक हुन्छ ।
तर कमजोर पासवर्डहरूका कारण धेरै खाताहरू ह्याक हुने गरेका छन् र डेटा चोरीका घटनाहरू बढिरहेका छन् । नर्ड भीपीएनको हालैको साइबर सुरक्षा रिपोर्ट अनुसार, आज पनि लाखौँ मानिसहरूले असुरक्षित र कमजोर पासवर्डहरू प्रयोग गरिरहेका छन् ।
यी पासवर्डहरूको प्रयोग तत्काल रोक्नुहोस्
१२३४५६ – ५० करोडभन्दा बढी पटक चोरी भएको ।
१२३४५६७८९ – २० करोडभन्दा बढी डेटा लीकमा समावेश ।
१२३४ – ४५ लाख पटक ह्याक भएको ।
१२३४५६७८ – ९८ लाख पटक चोरी भएको ।
१२३४५ – ५० लाख पटक चोरिएको ।
password – १ करोड पटक ह्याक भएको ।
११११११ – ५४ लाख पटक चोरी भएको ।
admin – ५० लाख पटक ह्याक भएको ।
१२३१२३ – ४३ लाख पटक चोरी भएको ।
abc१२३ – ४२ लाख पटक डेटा लीकमा समावेश ।
यदि तपाईं यी मध्ये कुनै पनि पासवर्ड आफ्नो बैंकिङ वा सामाजिक सञ्जाल खाताहरूका लागि प्रयोग गर्दै हुनुहुन्छ भने, तुरुन्तै परिवर्तन गर्नुहोस् । यी पासवर्डहरू सजिलै अनुमान गर्न सकिन्छ, जसका कारण साइबर अपराधीहरूले तपाईंको निजी डेटा चोरी गर्न सक्छन् ।
सुरक्षित पासवर्ड बनाउने उपाय
- मजबुत र अद्वितीय पासवर्ड राख्नुहोस् ।
- छोटो र सामान्य पासवर्डहरू प्रयोग नगर्नुहोस् ।
- आफ्नो नाम, जन्ममिति, मोबाइल नम्बर वा अन्य सजिलै अनुमान गर्न सकिने जानकारी प्रयोग नगर्नुहोस् ।
- संख्या, साना–ठूला अक्षरहरू, र विशेष चिन्हहरू (!@#$%^&*) मिसाएर पासवर्ड बनाउनुहोस्।
- हरेक प्लेटफर्मका लागि फरक–फरक पासवर्ड प्रयोग गर्नुहोस् ।
- आफ्नो पासवर्ड समय–समयमा परिवर्तन गर्दै जानुहोस् ।
