जन्मिदै आँखा नदेख्ने व्यक्तिलाई अब न्यूरालिकंले दृष्टि प्रदान गर्ने

टेस्लाका सीईओ एलन मस्कको ब्रेन–चिप स्टार्टअप कम्पनी न्यूरालिकंले यूएस फूड एन्ड ड्रग एडमिनिस्ट्रेशन (एफडीए) बाट परीक्षणात्मक इम्प्लान्ट डिभाइसको लागि स्वीकृति पाएको छ । यसले दुवै आँखा र अप्टिक नस गुमाएका व्यक्तिलाई पनि देख्न सक्षम बनाउनेछ ।

अर्थात् यो डिभाइसको मद्दतले ती व्यक्तिहरूले पनि देख्न सक्नेछन्, जसको आँखाले काम गर्न छोडेको छ । यदि यो सफल भयो भने यसलाई मानव जातिका लागि ठूलो उपलब्धि हुनेछ ।

यदि भिजुअल कोर्टेक्स ठीक छ भने यो जन्मदेखि नै आँखा नदेख्ने  व्यक्तिहरूलाई पनि पहिलो पटक देख्नको लागि अवसर दिनेछ । 

यो डिभाइस अमेरिकी विज्ञान–फिक्सन टिभी सिरिज ’स्टार ट्रेकः द नेक्स्ट जेनरेशन’ का पात्र जिओर्डी ला फोर्ज जस्तै हुने मस्कले जानकारी दिएका छन् । 

एलन मस्कले जिओर्डी ला फोर्जको तस्बिर पनि सेयर गरेका छन् । जिओर्डी ला फोर्ज एक यस्तो पात्र हो जसले सिरीजभरि जन्मदेखि नै दृष्टि गुमाएको हुन्छ, तर एउटा उपकरणको सहयोगमा देख्न सक्षम हुन्छ ।

एफडीएको स्वीकृतिको पुष्टि गर्दै न्यूरालिंकले भनेको छ कि ब्लाईण्डसाईटले अमेरिकी सरकारी निकायबाट 'ब्रेकथ्रू डिभाइस पदनाम' प्राप्त गरेको छ । न्यूरालिंकको ब्लाईण्डसाईट डिभाइसले दुबै आँखा र अप्टिक नस गुमाएका व्यक्तिलाई पनि देख्न सक्षम बनाउनेछ ।