आईसीटी समाचार
वैशाख महिनामा क्युआर कोडबाट ५२ अर्ब बढीको कारोबार भएको छ । नेपाल राष्ट्र बैंकले सार्वजनिक गरेको पछिल्लो तथ्यांक अनुसार क्युआर कोडबाट ५२ अर्ब ७५ करोड ७० लाख कारोबार भएको छ ।
गत चैतमा क्युआरमा आधारित कारोबार ४५ अर्ब रहेको थियो । पछिल्लो समय नेपालमा विद्युतीय भुक्तानीको प्रयोग बढ्दै जाँदा कारोबार रकम समेत बढ्दै गएको छ ।
राष्ट्र बैंकको तथ्यांक अनुसार वैशाखमा मोबाइल बैंकिङ, , कनेक्ट आईपीएस, वालेट जस्ता विद्युतीय माध्यमबाट हुने कारोबारमा वृद्धि भएको छ ।
वैशाखमा मोबाइल बैंकिङमा ३ खर्ब २० करोड, इन्टरनेट बैंकिङबाट १२ अर्ब, कनेक्ट आईपीएसबाट ५ खर्ब २२ अर्ब , डिजिटल वालेटबाट २८ अर्बको कारोबार भएको छ ।
गत चैतमा मोबाइल बैंकिङबाट २ खर्ब ९८ अर्ब, इन्टरनेट बैंकिङबाट १४ अर्ब, वालेटबाट २६ अर्ब र कनेक्ट आईपीएसबाट ५ खर्ब १३ अर्बको कारोबार भएको थियो ।
