आईसीटी समाचार
ओपन एआइको एआइ च्याटबट च्याटजीपीटीले टिकटकको प्यारेन्ट कम्पनी बाइटडान्स चोरी समातिएको छ ।
रिपोर्टका अनुसार बाइटडान्सले आफ्नो ठूलो भाषा मोडेल (एलएलएम) लाई तालिम दिन गोप्य रूपमा ओपनएआइको च्याटटूल प्रयोग गरिरहेको थियो । बाइटडान्सले यसको लागि ओपनएआइ एपिआइ प्रयोग गरिरहेको थियो ।
बाइटडान्सको यस एआई च्याटटुलको प्रोजेक्टलाई प्रोजेक्ट सीड नाम दिएको थियो । यस गोप्य परियोजनाको लागि च्याटजीपीटीको प्रयोगको बारेमा रिपोर्ट पछि, बाइटडान्सले अरु कुनै बयान दिएको छैन् ।
चोरी पत्ता लागेपछि, ओपनएआइ्ले बाइटडान्सको च्याटजीपीटी अकाउन्ट ब्लक गरेको छ । ओपनएआईले यसबारे पनि अनुसन्धान गरिरहेको जनाएको छ । यदि नीति उल्लङ्घनको कुनै मुद्दा छ भने, बाइटडान्सले अदालत जानु पर्ने हुन सक्छ ।
बाइटडान्सले आफ्नो एआई मोडल विकास गर्दा माइक्रोसफ्ट र ओपनएआई दुवैको विकासकर्ता लाइसेन्सको उल्लङ्घन गरेको भनिएको छ ।
यही वर्ष जुनमा बाइटडान्सले आफ्ना कर्मचारीहरूका बीचमा एआई च्याटटूलको परीक्षण गरिरहेको रिपोर्ट आएको थियो । चीनको अलिबाबा ग्रुपले पनि एआइ च्याटटूल निर्माण गरिरहेको छ ।
