आईसीटी समाचार
एप्पलले यसै वर्ष जुनमा हुने वर्ल्डवाइड डेभलपर्स कन्फरेन्स (डब्लुडब्लुडीसी) मा आफ्नो नयाँ अपरेटिङ सिस्टम आईओएस १८ लन्च गर्ने भएको छ ।
हरेक वर्ष जस्तै, आइओएस १८ अपडेट सेप्टेम्बरमा आउने नयाँ आईफोनहरूमा पहिले देख्न सकिन्छ र केही दिन पछि अन्य उपकरणहरूमा आउनेछ । यद्यपि, आईओएस १८ को आधिकारिक घोषणा हुनु अघि नै, एक लीकले यो वर्ष पछि कुन आईफोन मोडेलहरूले आईओएस १८ अपडेट प्राप्त गर्न सक्ने खुलासा गरेको छ ।
अब स्मार्टफोन कम्पनीहरूबीच कसले आफ्नो फोनलाई लामो समयसम्म अपडेट गर्छ भन्ने बहसको विषय बनेको छ । यो गत वर्ष गुगलले आफ्नो पिक्सेल ८ शृङ्खलाका लागि ७ वर्षका लागि अद्यावधिकहरू उपलब्ध गराउने वाचाको साथ सुरु गरेको थियो ।
यसपछि, सामसङले ग्यालेक्सी एस२३ सिरिजका लागि ४ वर्षको वाचा गर्याे र ग्यालेक्सी एस२४ सिरिजका लागि ७ वर्षमा बढाउने घोषणा गरेको छ । अर्कोतर्फ, एप्पलले आफ्ना फ्ल्यागशिप फोनहरू कति वर्षसम्म अपडेट गर्ने भन्ने कुरा भने नखुलेको तर पछिल्ला केही वर्षमा एप्पलले एन्ड्रोइड कम्पनीको तुलनामा धेरै समयका लागि आफ्ना फोन अपडेट गरेको निश्चित छ ।
कुन उपकरणहरूमा आईओएस १८ अपडेट उपलब्ध हुन सक्छ?
- आईफोन १५
- आईफोन १५ प्लस
- आईफोन १५ प्रो
- आईफोन १५ प्रो म्याक्स
- आईफोन १४
- आईफोन १४ प्लस
- आईफोन १४ प्रो
- आईफोन १४ प्रो म्याक्स
- आईफोन १३
- आईफोन १३ मिनी
- आईफोन १३ प्रो
- आईफोन १३ प्रो म्याक्स
- आईफोन १२
- आईफोन १२ मिनी
- आईफोन १२ प्रो
- आईफोन १२ प्रो म्याक्स
- आईफोन ११
- आईफोन ११ प्रो
- आईफोन ११ प्रो म्याक्स
- आईफोन एक्सएस
- आईफोन एक्सआर
- आईफोन एसइ (दोस्रो पुस्ता)
- आईफोन एसइ (तेस्रो पुस्ता)
