आईसीटी समाचार
काठमाडौं । सामाजिक सञ्जाल प्लेटफर्म फेसबुकले प्रयोगकर्तालाई आफ्नो प्रोफाइल कसले फलो गर्न सक्छ भन्ने नियन्त्रण गर्ने सुविधा प्रदान गरेको छ । यसमार्फत प्रयोगकर्ताले आफ्नो गोपनीयताको आवश्यकता अनुसार फलो गर्ने व्यक्तिलाई सीमित गर्न वा सबैका लागि खुला राख्न सक्छन् ।
यो सेटिङ परिवर्तन गर्न सबैभन्दा पहिले आफ्नो फेसबुक खातामा लगइन गर्नुपर्छ । त्यसपछि प्रोफाइल तस्वीर वा मेनु (≡) मा क्लिक गरी Settings & Privacy मा जानुहोस् र Settings खोल्नुहोस् ।
त्यसपछि Public Posts वा केही खातामा देखिने Followers and Public Content विकल्पमा प्रवेश गर्नुहोस् । त्यहाँ Who can follow me भन्ने सेटिङ देखिन्छ, जहाँ Friends वा Public मध्ये कुनै एक विकल्प चयन गर्न सकिन्छ ।
यदि Friends विकल्प चयन गरियो भने तपाईंका फेसबुक साथीहरूले मात्र तपाईंलाई फलो गर्न सक्नेछन् । Public विकल्प चयन गरेमा भने जोसुकैले पनि तपाईंको प्रोफाइल फलो गर्न सक्नेछन् ।
यो सेटिङ प्रयोग गर्दा आफ्नो फेसबुक प्रोफाइलको गोपनीयता थप सुरक्षित बनाउन, अनावश्यक फलोअरलाई नियन्त्रण गर्न तथा डिजिटल उपस्थितिमाथि आफूले चाहेजस्तो नियन्त्रण कायम राख्न सहज हुन्छ ।
