आईसीटी समाचार
काठमाडौं । सरकारले सात वटा विश्वविद्यालयमा नयाँ उपकुलपति नियुक्त गरेको छ । विश्वविद्यालयका कुलपति समेत रहेका प्रधानमन्त्री बालेन्द्र शाहले शुक्रबार विभिन्न विश्वविद्यालयका उपकुलपतिमा नियुक्ति गरेका हुन् ।
त्रिभुवन विश्वविद्यालयको उपकुलपतिमा प्रा.डा. भोला थापा नियुक्त भएका छन् । थापा यसअघि काठमाडौं विश्वविद्यालयको उपकुलपतिका रूपमा कार्यरत थिए ।
शिक्षा तथा खेलकुदमन्त्री सस्मित पोखरेलको सचिवालयका अनुसार पूर्वाञ्चल विश्वविद्यालयमा प्रा. सुजनबाबु मरहठ्ठा, सुदूरपश्चिम विश्वविद्यालयमा प्रा. किसनदत्त भट्ट, मध्यपश्चिम विश्वविद्यालयमा प्रा. राजन सुवाल उपकुलपतिमा नियुक्त भएका छन् ।
यस्तै पोखरा विश्वविद्यालयमा प्रा. देवेन्द्र अधिकारी, राजर्षी जनक विश्वविद्यालयमा प्रा. श्यामनारायण लाभ तथा कृषि तथा वन विश्वविद्यालयमा प्रा. ऋषिराम कट्टेल उपकुलपतिमा नियुक्त भएका छन् ।
यता, लुम्बिनी बौद्ध विश्वविद्यालयको उपकुलपति नियुक्ति प्रक्रिया भने अझै जारी रहेको शिक्षा मन्त्रालयले जनाएको छ ।
