आईसीटी समाचार
नेपाल प्रहरीको साइबर ब्यूरोले नाबालिकाको अश्लील तस्वीर तथा अश्लील स्ट्याटस फेसबुकमा पोस्ट गर्ने युवकलाई पक्राउ गरेको छ ।
पक्राउ पर्नेमा ललितपुर महानगरपालिका-२१ बस्ने २९ वर्षीय दिपु भन्ने विकाश महर्जन रहेका छन् ।
महर्जनले नाबालिकाको अश्लील तस्वीर तथा अश्लील स्ट्याटस सामाजिक सञ्जाल फेसबुकमा पोस्ट गरेको ब्यूरोले जनाएको छ ।
ब्यूरोका प्रवक्ता, प्रहरी वरिष्ठ उपरीक्षक नविन्द अर्यालका अनुसार महर्जनलाई विद्युतीय कारोबार ऐन २०६३ अन्तर्गतको कसुर गरेकोले काठमाडौं जिल्ला अदालतबाट अनुमति लिएर आइतबार पक्राउ गरिएको हो ।
अदालतबाट ५ दिन म्याद थप गरी अनुसन्धान भइरहेको अर्यालले बताए ।
