आईसीटी समाचार
सामाजिक सञ्जालमा निर्वाचनलाई प्रभाव पार्ने उद्देश्यले होच्याउने, अपमान गर्ने जस्ता भ्रामक टिका टिप्पणी गर्न नपाइने भएको छ ।
बिहीबार राजपत्रमा प्रकाशित निर्वाचन आचारसंहिता २०७८ अनुसार सामाजिक सञ्जालमा निर्वाचनलाई प्रभाव पारने उद्देश्यले होच्याउने, अपमान गर्ने, द्धेषपूर्ण भाषण (हेट स्पीच) जस्ता भ्रामक टिका टिप्पणी गर्न वा गराउन पाइने छैन् ।
त्यस्तै कुनै प्रयोजनका लागि प्रसारण वा प्रकाशन भएको सूचना वा सामग्रीलाई निर्वाचनमा प्रभाव पार्ने उद्देश्यले तोडमोड गरी गराई सामाजिक सञ्जालमा शेयर वा लाइक वा कमेन्ट गर्न वा गराउन नहुने बताइएको छ ।
निर्वाचनलाई प्रभाव पार्ने गरी कसैको पक्ष वा विपक्षमा विचार राख्न, प्रचार प्रसार गर्न, कुनै विद्युतीय सामग्री उत्पादन गर्न वा अरूले प्रकाशन गरेका शेयर गर्न नहुने आचारसंहितामा उल्लेख गरिएको छ ।
साथै निर्वाचनमा प्रभाव पार्ने उद्देश्यले कसैले पनि सामाजिक सञ्जालमा झुटा साइट र अकाउन्ट सञ्चालन गर्न वा गराउन पाइने छैन् । यद्यपी यो निर्वाचन आचारसंहिता निर्वाचन आयोगले तोकेको मितिदेखि लागु हुनेछ ।
यस्तो छ निर्वाचन आचारसंहिता २०७८
