आइसिटी समाचार
निजी क्षेत्रको अग्रहणी मोबाइल सेवा प्रदायक एनसेलले एक वर्षमा २ सय ६९ वटा बिटिएस टावर थपेको छ । यो सँगै एनसेलका कुल टावरको संख्या ६ हजार ७ सय ६७ पुगेका छन्।
उसले थ्रिजी र फोरजीका उक्त टावरहरु निर्माण गरेको हो ।
एनसेलको मुख्य लगानीकर्ता आक्जिआटाले निकालेको पहिलो त्रैमासिक वित्तीय विवरण, २०२१ अनुसार एनसेलले एक वर्षमा फोरजी सर्पोट गर्ने १ सय ७१ वटा बिटिएस टावर निर्माण गरेको छ ।
यो सँगै एनसेलका फोजरी टावर ३ हजार ४ सय ६१ पुगेका छन् ।
त्यस्तै, एनसेलले एक वर्षमा ९८ वटा थ्रिजी टावर निर्माण गरेको छ । यो सँगै उसका कुल थ्रिजी टावर ३ हजार ३ सय छ रहेका छन् ।
एनसेलका कुल टावरको संख्या ६ हजार ७ सय ६७ पुगेको वित्तीय विवरणमा उल्लेख छ ।
दूरसञ्चार कम्पनीहरुले हरेक वर्ष बिटिएस टावर जस्ता पूर्वाधार निर्माणमा करोडौं रुपैया खर्च गरिरहेका हुन्छ । दूरसञ्चार कम्पनीहरुले एउटै पूर्वाधार प्रयोग गर्ने भनेर सहप्रयोगको नीति अगाडि सारिए पनि लागु हुन सकेको छैन ।
