आइसिटी समाचार
फेसबुकले कोभिड–१९ ‘मानव निर्मित’ हो भन्ने पोस्टहरु अब देखि डिलिट नगर्ने भएको छ ।
सामाजिक सञ्जाल फेसबुकले गलत जानकारी सम्बन्धी नियमहरु परिमार्जित गरेर अब कोरोना ल्याबमा वा कुनै सरकारले निर्माण गरेको हो भन्ने खालको पोस्टहरु नहटाउने भएको छ ।
अमेरिकाका राष्ट्रपति जो बाईडेनले कोरोनको उत्पत्तिबारे अनुसन्धान गराउन सुरु भएदेखि फेसबुकमा यो परिवर्तन आएको हो । उनले महामारी कुनै जनावर संक्रमित भएर मान्छेमा सरेको हो की ल्याबमा लापरवाहीले भनेर छानबिन गर्न लगाएका छन् ।
यही कुरा देखि ल्याब घटना भन्ने सिद्धान्तले फेरि गति लिएको छ । यो सिद्धान्तका अनुसार कोभिड महामारी वुहानको एक ल्याबमा वैज्ञानिकहरु कोभिड अध्ययन गर्दै गर्दा सुरु भएको हो भन्ने रहेको छ ।
विश्व स्वास्थय संगठनले पनि आफू कोभिड महामारी उत्पतिको बारेमा सबै परिकल्पनाहरु सुन्नलाई तयार भएको बताएको छ तर संगठनको अन्वेषकहरुले ल्याब सिद्धान्त सही नभएको बताएका छन् ।
पहिले फेसबुकले कोभिडलाई मानव निर्मित वा सरकारले बनाएको जैविक हतियार भनिएको पोस्टहरु हटाउने गर्दथ्यो तर अब फेसबुकले त्यस्तो गर्दैन् ।
वैज्ञानिकहरु सत्य के हो भन्ने विषयमा अल्झिरहँदा फेसबुकले आफ्नो प्रयोगकर्ताहरुलाई पनि यो विषयमा छलफल गर्नका लागि प्लेटफर्म खोलिदिएको छ ।
