आइसिटी समाचार
नेपाल उद्योग वाणिज्य महासंघको आइसिटी डेभलपमेन्ट कमिटीका अध्यक्ष मंगेश लाल श्रेष्ठले अब डिजिटल इकोनोमीमा फोकस हुनुपर्ने बताएका छन् ।
शनिबार आयोजित डिजिटल संवादमा बोल्दै अध्यक्ष श्रेष्ठले अब डिजिटल इकोनोमीमा फोकस गर्नुपर्ने बताएका हुन् ।
यसका लागि पूर्वाधार, डेटा सेन्टर, केन्टिभिटी कोर फाउन्डेसन भएको उनको भनाइ थियो । उनले ८० प्रतिशत स्टार्टअपहरु कतै न कतै डिजिटल इकोनोमीमा जोडिएर आउने गरेको बताए ।
डिजिटल इकोनोमीका लागि नेपालमा धेरै अवसरहरु रहेको पनि उनले जानकारी दिए ।
‘सरकारसँग सहकार्य गर्न लगानी गर्न निजी क्षेत्र तयार छ,’ उनले डिजिटल संवादमा भने, ‘सरकारले राम्रो वातावरण सिर्जना गर्नुपर्यो । हामीसँग टेबुलमा बस्नुपर्यो । बसी पनि रहेको छ नबसेको भने होइन ।’
विदेशी लगानीका साथसाथै स्वेदेशी लगानीलाई पनि सरकारले प्रोत्साहन गर्नुपर्ने श्रेष्ठले बताए ।
