आइसिटी समाचार
डिजिटल नेपाल बारे आफ्नो परिकल्पना पठाउने भोली अन्तिम दिन रहेको छ । माइ सेकेण्ड टिचरसँगको सहकार्यमा लिभिङ विथ आइसिटीले आयोजना गरेको मेरो डिजिटल नेपाल, मेरो परिकल्पना विषयमा आफ्नो परिकल्पना पठाउने भोली अर्थात असार ३१ गतेराति १२ बजे सम्म पठाउन सकिने छ ।
मेरो डिजिटल नेपाल, मेरो परिकल्पना प्रतियोगितामा कक्षा १२ सम्मका विद्यार्थी वा १९ वर्ष पुरा नभएका व्यक्तिले सहभागी हुन सक्ने छन् ।
विद्यार्थीहरुले डिजिटल नेपालको बारेमा निवन्ध, कविता, लेख, चित्र, वक्तृत्व, भिडियो एनिमेशन पठाउन सक्नेछन । उत्कृष्ट ७ ले २५ हजारदेखि १ लाख रूपैयाँसम्मको पुरस्कार प्राप्त गर्ने आयोजकले जनाएको छ ।
यस प्रतियोगितामा नेपाल सरकारले सन् २०१९ मा जारी गरेको डिजिटल नेपाल फ्रेमवर्कमा आधारित रहेर डिजिटल नेपालको कल्पना पठाउन सकिने छ ।
इच्छुक विद्यार्थीले यहाँ क्लिक गरी आफ्नो निवन्ध, कविता, लेख, चित्र, वक्तृत्व, भिडियो एनिमेशन पठाउन सक्नेछन ।
यस कार्यक्रममा माई सेकेण्ड टिचरको मुख्य प्रायोजको रूपमा रहेको छ भने एनआइसी एसिया र्बैंक बैकिङ पार्टनर, प्रभु पे पेमेन्ट पार्टनर, एसीसीए नलेज पार्टनर र फ्युज मेशिन्स प्रविधि पार्टनरको रूपमा रहेका छन ।
त्यस्तै नेपाल सरकार सञ्चार तथा सूचना प्रविधि मन्त्रालय, नेपाल दुरसञ्चार प्राधिकरण, नेपाल उद्योग वाणिज्य महासंघ, क्यान महासंघ, प्याब्सन आदिको सहयोग रहेको छ । उत्कृष्ट विद्यार्थीहरुको रचना तथा सोच आइसिटी समाचार डटकममा समेत प्रकाशित हुनेछ ।
यो पनि पढ्नुहोस्: डिजिटल नेपालको परिकल्पना गरेर १ लाख रकम जित्ने अवसर ! कसरी हुने सहभागी ?
