फेसबुकमाथि महिलाको स्वास्थ्य सामग्री सम्बन्धी विज्ञापन अस्वीकार गरेको आरोप

६० भन्दा बढी कम्पनीले फेसबुकमाथि महिलाको स्वास्थ्य सामग्री सम्बन्धी विज्ञापन अस्वीकार गरेको आरोप लगाएका छन् । महिलाको स्वास्थ्य सामग्रीलाई ‘एडल्ट कन्टेन्ट’ भनेर विज्ञापन नदिने गरेको कम्पनीहरुको गुनासो रहेको छ ।

यसले गर्दा फेसबुकले लिंग विभेद गरिरहेको सेन्टर फर इन्टिमेशी जस्टिसको रिपोर्टले बताएको छ । यस्तो विज्ञापन राख्न खोज्ने कम्पनीहरुको अकाउन्ट समेत फेसबुकले खारेज गरिदिएको पाइएको छ ।

सेन्टर फर इन्टिमेशी जस्टिसले गरेको सर्वेक्षणमा ६० ओटा कम्पनी सहभागी रहेका थिए र सबै कम्पनीको कुनै न कुनै समयमा विज्ञापन रिजेक्ट भएको पाइएको छ ।

विज्ञापन हालिदिएता पनि फेसबुकले वास्तविक स्वास्थ्य सामग्री कस्तो छ भनेर देखाउन दिदैन र यसले धेरै व्यवसायीहरुलाई समस्या पारिरहेको देखिन्छ । केटा मान्छेको भने अनैतिक सामाग्रीहरु पनि फेसबुकमा आइरहेको पनि सर्वेक्षणले पत्ता लगाएको छ ।