आईसीटी समाचार
नयाँ इन्टरनेट सेवा प्रदायक कम्पनी ‘वाईफाई नेपाल’ ले सेवा सुरू गरेको छ । ‘स्पीड पनि, सस्तो पनि’ नारासहित बुधबारदेखि वाईफाई नेपालको सेवा सुरू भएको हो ।
हाल कम्पनीले ३० एमबीपीएस र ५० एमबीपीएसको इन्टरनेट उपलब्ध गराइरहेको छ । यस अन्तर्गत ३० एमबीपीसको इन्टरनेटको शुल्क वार्षिक ४ हजार र ५० एमबीपीएसको इन्टरनेट ५ हजार रूपैयाँ तोकिएको छ ।
इन्टरनेट जडान गर्दा कुनै पनि शुल्क तिर्नुपर्ने छैन् तर पनि राउटरको १५०० रूपैयाँ शुल्क भने तिर्नुपर्नेछ । ३० एमबीपीएसको वार्षिक प्याकेज लिँदा मासिक शुल्क ३३३ रूपैयाँ पर्नेछ ।
३० एमबीपीएसको शुल्क १ महिनाको ४००, ३ महिनाको ११०० र ६ महिनाको २१ सय रूपैयाँ कायम गरिएको छ भने ५० एमबीपीएसको शुल्क १ महिनाको ५५०, ३ महिनाको १५०० र ६ महिनाको ३ हजार रूपैयाँ कायम गरिएको छ ।
वाईफाई नेपालको सेवा अहिलेलाई काठमाडौं उपत्यकामा मात्र उपब्ध रहेको छ । उपत्यका बाहिर पनि चरणबद्ध रूपमा सेवा विस्तार गर्ने कम्पनी योजना छ ।
