आईसीटी समाचार
इन्स्टाग्रामका क्रियटरले फोटो तथा रिलहरुलाई पेवालमा राख्न सक्ने भएका छन् । यस फिचरले गर्दा अरु प्रयोगकर्ताहरुले क्रियटरहरुको सो फोटो तथा रिलहरुलाई पहुँच पाउन भुक्तानी गर्नुपर्ने हुन्छ ।
यो वर्ष इन्स्टाग्रामले क्रियटर सब्सक्रिप्सन प्रोग्राममा ध्यान दिईरहेको छ र सोही अन्तर्गत कम्पनीले पेवाल फिचरलाई सार्वजनिक गरेको हो । पेवालमा राखिएका फोटो तथा रिलहरुमा क्राउनको सिम्बल सहित पर्पल ब्याज हुनेछ ।
यो फिचरलाई क्रिययटरहरुले लामो समय देखि माग गरिरहेको इन्स्टाग्रामका प्रमुख एडाम मोसेरीले बताएका छन् । इन्स्टाग्रामले अर्काे सब्सक्राइबर च्याट अप्सन पनि ल्याएको छ । यसले गर्दा ३० जनासम्म सब्सक्राइबर भएका ग्रुप च्याटमा क्रियटर गएर कुराकानी गर्न सक्छन् ।
यो फिचर प्रयोगकर्ताहरुलाई डिस्कर्डबाट इन्स्टाग्राममा आकर्षित गर्नका लागि सार्वजनिक गरिएको हो । यी ग्रुप च्याटलाई मेसेन्जरले पावर गरेको छ । यी ग्रुप च्याट २४ घन्टा पछि आफै गायब हुने छन् । यस फिचरले प्रति महिना १०० डलर सम्म शुल्क लिन दिनेछ ।
यस फिचरले सब्सक्राइबरहरुको नामको छेउमा पनि पर्पल ब्याज आउने गर्दछ । यी फिचरको जाँच कम्पनीले गत जनवरी देखि गर्दै आएको थियो र अब आधिकारिक रुपमा यी फिचर प्रयोगकर्ताहरुले पाएका छन् ।
