आईसीटी समाचार
म्यासेजिङ एप सिग्नलले पनि स्टोरी फिचर ल्याउने भएको छ । अहिले सिग्नलले बेटाको रूपमा स्टोरी फिचर सार्वजनिक गरेको छ ।
सिग्नलको स्टोरी फिचर अन्य सामाजिक सञ्जाल, फेसबुक, स्न्यापच्याट, इन्स्टाग्राम, युट्युब जस्तै २४ घण्टासम्म देखिने छ । स्टोरीमा प्रयोगकर्ताले फोटो, भिडियो र टेक्स्ट सेयर गर्न सक्नेछन ।
सिग्नलका स्टोरीहरू एन्ड टु एण्ड इक्रिप्सनले सुरक्षित हुनेछन् । सिग्नलमा हुने च्याटहरूमा पनि यो फिचर लागु गरिएको छ ।
स्टोरी तपाई कसलाई सेयर गर्न चाहनुहुन्छ वा हुँदैन्, त्यसको नियन्त्रण पनि गर्न सक्नुहुनेछ । सिग्नलले ‘क्लोज फ्रेन्ड्स’ मा पनि स्टोरी सेयर गर्न दिनेछ ।
तपाईले सेयर गरेको स्टोरीमा अरूले हेर्न, रियाक्ट गर्न र रिप्लाई गर्न सक्नेछन् । अन्य प्लटेफर्म जस्तो स्टोरी फिचर अनिवार्य हुनेछैन् । यदी तपाईलाई स्टोरी फिचर मन पर्दैन् भने सेटिङमा गएर अफ गर्न सक्नुहुनेछ ।
बेटाको रूपमा उपलब्ध भएको सिग्नलको स्टोरी फिचर अहिले सिमित प्रयोगकर्तालाई मात्रै उपलब्ध छ । सबै प्रयोगकर्ताले यो फिचर उपयोग गर्न अझै केही समय लाग्ने छ ।
