आईसीटी समाचार
प्रयोगकर्ताहरुको नराम्रो कमेन्ट हटाएमा २४ घण्टासम्म कमेन्ट गर्न नमिल्ने फिचर युट्युब सार्वजनिक गरेको छ । कम्युनिटी गाईडलाइन उल्लंघन गरेमा युट्युबबाट प्रयोगकर्ताहरुलाई २४ घण्टासम्म कमेन्ट गर्न नसक्ने गरी ब्लक गर्ने भएको हो ।
यसको अर्थ तपाईले युट्युबको गाइडलाइन उल्लघंन गर्ने गरी कमेन्ट गर्नुभयो र उक्त कमेन्ट युट्युबले डिलिट गर्यो भने २४ घण्टासम्म युट्युबको भिडियोमा थप गर्न सक्नुहुने छैन् ।
कमेन्ट डिलिट नहुनुपर्ने जस्तो लागेमा प्रयोगकर्ताले आफ्नो प्रतिक्रिया पनि दिन सक्नेछन् । कमेन्ट डिलिट हुँदा युट्युबले नोटिफिकेसन पनि दिनेछ ।
युट्युबले केही समय अघि यस फिचरलाई परीक्षण गरेको थियो र प्रभावकारी साबित भएपछि अहिले यो फिचर आधिकारिक फिचरको रुपमा सार्वजनिक भएको हो । युट्युबले १.१ बिलियन स्पयाम कमेन्टहरु सन् २०२२ को पहिलो भागमा डिलिट गरेको थियो ।
