आईसीटी समाचार
बाईटडान्सले अमेरिकी पत्रकारको टिकटकको डेटा प्राप्त गर्ने चार जना कर्मचारीलाई हटाएको छ । बाईटडान्स टिकटकको प्यारेन्ट कम्पनी हो ।
यी चार कर्मचारीले तीन जना अमेरिकी पत्रकारसँगै अरु प्रयोगकर्ताहरुको डेटा पनि एक्सेस गरेको बताइएको छ । चार जना कर्मचारी मध्य दुई जना अमेरिका र दुई जना चीनमा स्थीत रहेको खुलासा भएको छ ।
बाईटडान्सले ती कर्मचारीले कम्पनीको आचार संहिता उल्लंघन गरेकाले कामबाट निकालेको बताएको छ । ती कर्मचारीले प्रयोगकर्ताहरुको आइपी एड्रेस र टिकटक अकाउन्टसँग जोडिएको अरु डेटाको पहुँच प्राप्त गरेका थिए ।
यी तीन जना अमेरिकी पत्रकार पहिले बजफिड न्युजमा काम गर्ने गरेको पनि फोब्र्सले रिपोर्ट गरेको छ । बाईटडान्सले आफूले प्रयोगकर्ताको डेटा सुरक्षालाई मुख्य प्राथमिक्तामा राखेको र यस्तो किसिमको व्यवहार आगामी दिनमा पनि सहन नगर्ने जानकारी दिएको छ ।
