ब्लु टिकको लागि पैसा तिरेका प्रयोगकर्ता मात्रै अब ट्वीटरको फर यू फिडमा देखिने

ब्लु टिकको लागि पैसा तिरेका प्रयोगकर्ता मात्रै अब ट्वीटरको फर यू फिडमा देखिने भएका छन् । ट्वीटरले चाँडैनै फर यू फिडमा ट्वीटर ब्लु सब्सक्राइबरहरुको मात्रै सुझाव दिने तयारी गरेको हो ।

अप्रिल १५ देखि फर यू फिडका लागि भेरिफाइ अकाउन्टकै ट्वीटहरुलाई बढी प्राथमिकता दिइनेछ । एआइ बटलाई नियन्त्रण गर्नका लागि यस्तो कदम चालिएको ट्वीटरका सिइओ एलन मस्क बताउँछन् ।

यतिभन्दै गर्दा पनि एआइ बटले पनि पैसा तिरेर भने ट्वीटर ब्लुमा सब्सक्राइब गर्न सक्नेछन् तर ती एआइ बटले कुनै मान्छेको नक्कल भने गर्नु भएको हुँदैन् ।