आईसीटी समाचार
साइबर–सुरक्षा अनुसन्धानकर्ताहरूले टेलिग्रामको नाम प्रयोग गर्दै बनाइएको मालवयेर एपले प्रयोगकर्ताको डेटा चोरीरहेको पत्ता लगाएका छन् ।
रिपोर्टहरूको अनुसार एपको परिमार्जित संस्करण ट्रोजन ट्रियाडासँग लिङ्क तथा खराब कोडको साथ इम्बेड गरिएको छ ।
साइबर–सुरक्षा फर्म चेक पोइन्टको मोबाइल अनुसन्धान टोलीका अनुसार यस खतरनाक एप भित्र मालवेयरले पीडितहरूलाई विभिन्न एपहरुको सबिसक्रिप्सनमा साइन अप गरिदिन, अनाधिकृत इन–एप खरिदहरू गर्न र लगइन पासवर्डरू चोरी गर्ने हिसाबले डिजाइन गरिएको छ ।
मालवेयरले चलाखीपूर्वक आफूलाई टेलिग्राम मेसेन्जरको नयाँ संस्करण, विशेष गरी संस्करण ९.२.१ को रूपमा देखाउने गरेको छ । यसमा टेलिग्रामकै लोगो प्रयोग गरिएकाले धेरैले यस मालवेयरलाई पनि वास्तविक टेलिग्राम एपनै ठान्ने गरेका छन् ।
प्रयोगकर्ताहरूले एप खोलेपछि टेलिग्रामको भेरिफिकेसन स्क्रिन खुल्ने गर्दछ, जहाँ प्रयोगकर्ताहरूलाई आफ्नो उपकरणको फोन नम्बर प्रविष्ट गर्न र एपलाई फोन परमिसन दिन माग गर्ने गरिन्छ ।
अनुमति दिने बित्तिकै यसले डाटा चोरी गर्न थाल्छ । चोरी गरिसकेपछि मालवेयरले कन्फिगरेसन फाइल डाउनलोड गरेर आफ्नो सर्भरमा पठाउँछ ।
स्मार्टफोनलाई मालवेयरबाट जोगाउन यस्तो गर्नुहोस्
- सधैं विश्वसनीय स्रोतहरूबाट एपहरू डाउनलोड गर्नुहोस्, तेस्रो पक्षहरूबाट एपहरू डाउनलोड नगर्नुहोस् ।
- डाउनलोड गर्नु अघि, एपको विकासकर्ता को हो भनी प्रमाणित गर्नुहोस् ।
- डाउनलोड गर्नु अघि, तपाईंले त्यो एपको रेटिंग जाँच गर्ने बानी बसाल्नुहोस् ।
- इन्स्टल गरिएको एपद्वारा अनुरोध गरिएको अनुमतिहरू जाँच गर्न निश्चित गर्नुहोस्।मागिएको एप परमिसनहरुलाई चेक गर्नुपर्छ ।
