आईसीटी समाचार
फलो ब्याक नगरेका प्रयोगकर्तालाई अब इन्स्टाग्राममा अब एक पटक मात्रै म्यासेज पठाउन सकिने भएको छ । फोटो–सेयरिङ प्लेटफर्म इन्स्टाग्रामले आधिकारिक रूपमा नयाँ अपडेट ल्याउन लागेको हो ।
प्रयोगकर्ताहरूलाई प्लेटफर्ममा अनावश्यक स्प्याम वा प्रत्यक्ष डिएम रिक्वेस्टबाट जोगाउन नयाँ सुविधा ल्याउने लागेको इन्स्टाग्रामले जनाएको छ ।
फलो ब्याक नगरेका व्यक्तिलाई एउटा सन्देश मात्रै पठाउन सकिने छ भने फोटो, भिडियो वा अडियो सन्देश पठाउन सकिने छैन् ।
मेटाको रिपोर्ट अनुसार, यो सुविधामा जुनदेखि काम गरिरहेको छ । चाँडै प्लेटफर्ममा उपलब्ध हुने कम्पनीको भनाइ छ । कम्पनीले सेक्रेट वर्ड र लिमिट्स फिचरमा काम गरिरहेको छ ।
सेक्रेट वर्डले आपत्तिजनक शब्द, वाक्यांश वा इमोजी भएको डिएम रिक्वेस्टलाई स्वतः गोप्य फोल्डरमा पठाइदिनेछ भने ’लिमिट्स’ फिचरले प्रयोगकर्ताहरूलाई अनावश्यक कमेन्ट वा डिएम रिक्वेस्टमा अचानक वृद्धि हुनबाट जोगाउने छ ।
