ग्रुप च्याटलाई थप व्यवस्थित बनाउन ह्वाट्सएपमा सेण्ड फर एडमिन रिभ्यु फिचर

ग्रुप च्याटलाई थप व्यवस्थित बनाउन ह्वाट्सएपमा सेण्ड फर एडमिन रिभ्यु फिचर आउने भएको छ । हाल यो सुविधा बेटा प्रयोगकर्ताहरूको लागि मात्र उपलब्ध छ । नयाँ सुविधा ह्वाट्सएप बेटा एन्ड्रोइड संस्करण २.२३.१६.१८ मा उपलब्ध हुनेछ ।

ह्वाट्सएप अपडेटहरू ट्र्याक गर्ने वेबसाइट वाबेटाइन्फोका अनुसार यस फिचरको मद्दतले समूहमा कुनै पनि म्यासेजलाई एडमिन समीक्षाको लागि पठाउन सकिन्छ । ग्रुप एडमिनिस्ट्रेटरले म्यासेज हटाउन वा रिपोर्ट गर्न सक्छन् ।

आगामी दिनहरूमा यो सुविधा थप प्रयोगकर्ताहरूमा विस्तार गरिने ह्वाट्सएपले जनाएको छ । ह्वाट्सएपले अहिलेसम्म आधिकारिक रूपमा यो सुविधा घोषणा गरेको छैन र यो सबै प्रयोगकर्ताहरूको लागि कहिले उपलब्ध हुनेछ भन्ने स्पष्ट पारेको छैन् ।

यो सँगै हाट्सएपले अर्काे नयाँ सुविधामा पनि काम गरिरहेको छ, जसले प्रयोगकर्ताहरूलाई इमेल ठेगाना प्रयोग गरेर आफ्नो खाता सुरक्षित गर्न अनुमति दिनेछ ।

रिपोर्टको अनुसार ह्वाट्सएपले प्रयोगकर्ताहरूलाई अकाउन्टको सुरक्षा बढाउनका लागि इमेल ठेगाना सोध्ने छ । तर यो सुविधा कहिले र कसरी प्रयोग गरिनेछ भनेर स्पष्ट गरिएको छैन् ।