ग्यालेक्सी एस नाइन सार्बजनिक गर्ने सामसुङको तयारी

विश्व प्रख्यात स्मार्टफोन कम्पनि सामसुङले यहि २०१८ को फेब्रुअरीमा मोबाइल वर्ल्ड कंग्रेसमा एस सिरिजको नयाँ स्मार्टफोन सामसङ ग्यालेक्सी एस ९ सार्बजनिक गर्ने पूर्व तयारी गरेको छ । यो नयाँ स्मार्टफोन फोन एस ८ पछाडीको अर्को फ्ल्यागशिप मोडेल हो । साथै सामसुङले उक्त मोबाइल मेलामा एस ९ र एस ९ प्लस गरेर दुईवटा मोडेल सार्बजनिक गर्ने अनुमान गरिएको छ ।

भर्खरै सम्पन्न सीइएस २०१८ को प्रेस मीटमा सामसुङका मोबाइल कम्युनिकेसन बिजनेस प्रमुख डीजे कोले कम्पनिको २०१८ को पहिलो फ्ल्याग्शिप फोन मोबाइल वर्ल्ड कंग्रेसमा सार्बजनिक गरिने बताएका छन् । त्यस्तै सामसुङको आउदै गरेको यो नयाँ फ्ल्याग्शिप मोडेल एप्पलको नयाँ फ्ल्याग्शिप आइफोन १० संग प्रतिस्पर्धा गर्नेछ ।

कम्पनिले आधिकारिक रुपमा उक्त फोनको बारेमा केहि नखुलाएको भएतापनि एस नाइनबारे आएका विभिन्न समाचारका अनुसार कम्पनिले एस ९ र् एस ९ प्लस फेव्रुआरीको २६ मा सार्बजनिक हुनेछ र मार्चको ३ देखि फोनका लागि प्रि-अर्डर खुलाइने जनाइएको छ त्यस्तै,मार्चको १६ बाट भने उक्त फोन बजारमा बिक्रिका लागि आउने छ ।

साथै विभिन्न समाचारका माध्यमहरु मार्फत बाहिरिएको जानकारी अनुसार गत बर्षको स्मार्टफोन ग्यालेक्सी एस ८  र एस ८ प्लसमा जस्तै अब सार्बजनिक हुने ग्यालेक्सी एस ९ र एस ९ प्लसमा पनि एउटै क्यापासिटिको ब्याट्री प्रयोग भएको जनाइएको छ । थप दुवै स्मार्टफोनमा क्वालकम स्न्यापड्रागन ८४५ को प्रोसेसर प्रयोग गरिएको हुनसक्ने अनुमान गरिएको छ । ग्यालेक्सी एस ९ मा भने सिंगल रियर क्यामेरा तथा ग्यालेक्सी एस ९ प्लसमा भने डुअल क्यामेरा मोडुल राखिएको हुन सक्ने बताईएको छ ।