आईसीटी समाचार
नोकिया फोनहरु आईएफ डिजाइन अवार्ड २०२० द्धारा सम्मानित भएका छन् ।
एचएमडी ग्लोबलले उत्कृष्ट डिजाइनका ६ प्रकारका नोकिया फोनहरु मध्ये २ स्मार्टफोन र ४ फिचर फोनहरुलाई सम्मानित गरेको घोषणा गरेको हो ।
आईएफ डिजाइन पुरस्कार विश्वको सबभन्दा पुरानो स्वतन्त्र डिजाइन संगठन आईएफ अन्तराष्ट्रिय फोरम डिजाइन जीएमबीएचले आयोजना गरेको थियो ।
स्वतन्त्र डिजाइन विशेषज्ञहरु सम्मिलित प्यानलले ५६ देशहरुको सातहजार भन्दा बढी प्रतिस्पर्धीहरुको समीक्षा गरेको थियो ।
आईएफ डिजाइन अवार्ड २०२० द्धारा सम्मानित भएका फोनहरुमा स्मार्टफोनतर्फ नोकिया ७.२ र नोकिया वान प्लस हुन भने फिचर फोन तर्फ नोकिया १०५, नोकिया ११०, नोकिया ८०० टफ र नोकिया २७२० फ्लिप हुन् ।
उपभोक्ताहरुको अनुभवमा फरक किसिमको आकर्षक डिजाइन प्रत्येक नोकिया फोनको विशेषता हो ।
