आईसीटी समाचार
सिंगापुरले कन्ट्याक्ट ट्रयासिङ मोबाइल एप सार्वजनिक गरेको छ । सिंगापुरको स्वास्थ्य मन्त्रालय र सरकारी प्रविधि एजेन्सी (गभटेक) को सहकार्यमा 'ट्रयास टुगेदर' नामको मोबाइल एप सार्वजनिक भएको हो ।
गत मार्च २० मा सार्वजनिक भएको यो एप विकास गर्न करिब ८ हप्ता लागेको थियो । कोरोना भाइरसको संक्रमण कम गर्न ट्यास टुगेदर मोबाइल एपको विकास गरिएको हो ।
यो एप गूगलको प्ले स्टोर र एप्पलको एप स्टोरमा उपलब्ध रहेको छ । सिंगापुर सरकारले यो एप डाउनलोड अनिवार्य भने गरेको छैन् ।
प्रयोगकर्ताको फोनमा भएका डेटा इन्क्रिप्टेड हुने र जसले गर्दा यो एपले अन्य डेटामा पहुँछ नराख्ने बताइएको छ । यो एप प्रयोग गर्न सिंगापुरको मोबाइल नम्बर आवश्यक हुन्छ ।
