आईसीटी समाचार
लकडाउन खुलेपछि टुटल पठाओ जस्तै ‘लुजुम’ नामक नयाँ कम्पनीले नेपाली बजारमा राइड शेयरिङको सेवा दिने भएको छ । लुजुम कम्प्युटर सर्भिसेज प्रालिले विकास गरेको लुजुमले अफलाइन र अनलाइन दुबै माध्यमबाट सेवा दिनेछ ।
लुजुमले मोटरसाइकल सँगसँगै तीन पांग्रे (उपत्यका बाहिर टेम्पो, सफारी) ट्याक्सी, रिजर्भ गाडी बोलेरो तथा स्करपियो जस्ता सेवाहरु प्रदान गर्ने योजना बनाएको छ ।
लुजुमले सुरुमा काठमाडौंमा सेवा दिनेछ भने त्यसपछि बिराटनगर, पोखरा, धरान, इटहरी, चितवन जस्ता मूख्य सहरहरुमा सेवा बिस्तार गर्नेछ ।
लुजुममा अनलाइन सहित अफलाइनको सविधा रहेको छ । लुजुमको मोबाइल एपबाट अनलाइनको सेवा प्रयोग गर्न सकिने छ ।
अफलाइनमा पनि लुजुमले फोनको भरमा यात्री भएको ठाउँमा सवारीसाधन पठाउने छ र लुजुमको सेवा प्रयोग गर्न सकिने छ । जसको लागि ९८०२३२३२३३/४/५/६ मा सम्पर्क गर्न सकिने छ ।
लुजुमको अर्को बिशेषता भनेको सुरक्षा कोषको रहेको छ । लुजुमले यात्री र पार्टनरको सम्पूर्ण सवारीको सुरक्षाको लागि सुरक्षा कोषको व्यवस्था गरेको छ । केही दुर्घटना भएको अवस्थामा यात्री र पार्टनरको उपचारको केही भाग लुजुमका सहकर्मी स्वास्थ्य केन्द्रहरु मार्फत व्यहोरिने छ ।
यसमा महिला यात्रीको थप सुरक्षाको लागि सवारीसाधन निश्चित गर्नु अगाडी पार्टनर छनौट गर्न पाइने छ । त्यस्तै लुजुमले सुरुवातमा यात्रा गर्ने ५ प्रतिशत यात्रीलाई ५ वर्षका लागि मासिक रुपमा केही निशूल्क सवारी प्रदान गर्नेछ ।
लुजुमको सेवा प्रयोग गर्नेले प्रत्येक महिना एक यात्री वा पार्टनरले पर्यटकीय गन्तव्यहरु भ्रमणको समेत अवसर पाउने छन् । यसको लागि लुजुमको सेवा प्रयोग गर्दा कम्पनीले बिशेष कोड प्रदान गर्नेछ ।
लुजुमले पार्टनरको परिश्रम र समयको कदर गर्दै केही योग्य पार्टनरलाई मोबाइल डेटा र इन्धन खर्च दिने योजना बनाएको छ ।
यसले प्रत्येक महिना सर्वोत्कृष्ट पार्टनरहरु मध्ये एकको बालकको शिक्षामा सहायता पुर्याउँन पहल गरेको छ ।लुजुमको अर्को सुविधा भनेको स्पट बुकिङ रहेको छ । जसमार्फत पार्टनरहरुले बिचबाटोबाटै यात्रीहरुलाई सेवा दिन सक्नेछन ।
लुजुमको मोबाइल एप डाउनलोड गर्न एन्ड्रोइडको लागि यहाँ र आइओएसको लागि यहाँ क्लिक गर्नुहोस । थप जानकारी वेबसाइटबाट समेत लिन सकिने छ ।
