आईसीटी समाचार
आर्टिफिसियल ईन्टेलिजेन्सी (एआई) सुविधा सहितको नयाँ ओपो एफसेवेन सेल्फी एक्स्पर्ट सिरिजमा नयाँ उत्पादनका रुपमा रहेको छ । सेल्फीलाई थप वास्तविक, प्राकृतिक र ब्यक्तिगत तवरमा आकर्षक बनाउने सोचका साथ ओपोले एफफाइभको माध्यमबाट एआई ब्यूटी रेगक्निशन प्रविधि सार्वजनिक गरेको थियो ।
यसलाई थप परिस्कृत गरी ओपो एफसेवेनमा दोस्रो पुस्ताको एआई ब्यूटी २.० उपलब्ध गरिएको छ । फोनमा रियल टाइम हाई डायनामिक रेञ्ज (एचडीआर) प्रविधि सहित २५ मेगापिक्सेल क्षमताको फ्रण्ट क्यामेराको प्रयोग गरिएको छ । यसमा एआई ब्यूटी २.०, कभर सट र अगुमेन्टेड रियालिटी (एआर) स्टिकर्सपनि उपलब्ध गरिएको छ । नयाँ ओपो एफसेवेनले सेल्फीको गुणस्तरलाई नयाँ आयाम दिने मात्र नभइ सेल्फी लिने प्रकृयालाई थप रमाइलो र रोचक बनाउने छ ।
ओपो एफसेवेनमा २५ एमपी एआई ब्यूटी फ्रण्ट क्यामेरा र रियल–टाइम एचडीआर प्रविधि उपलब्ध गरिएको छ । फोनमा कम्पनीले एआई एल्बमको ब्यवस्था गरेको छ । यसले प्रयोगकर्ताको अनुहार , स्थान तथा दृष्यका आधारमा तस्विरलाई वर्गिकृत गरी खोजी कार्य तथा एडिटिङ कार्यमा सहजता प्रदान गर्छ ।
फोनमा स्प्लिट स्क्रिन फिचरका रुपमा उपलब्ध गरिएको एआई बोर्ड फिचरमा प्रयोगकर्तालाई आफ्ना मनपर्ने एप्सहरु राख्न सक्छन् । यो फिचरले स्वचालित रुपमा महत्वपूर्ण मिटिङ् तथा तालिका, भ्रमण, चलचित्र टिकट तथा ई–कमर्स अर्डरको अवस्थालाई ईमेल तथा सन्देश मार्फत क्रमबद्ध गर्न सभाव पु¥याउँछ ।
यसमा मिडियाटेकको हेलियो पि ६० सिपियु सहित अक्टाकोर प्रोसेसर प्रयोग गरिएको छ ।
फुल स्क्रिन डिस्प्ले रहेको यो सेटमा ३४०० एमएएचको व्याट्री प्रयोग गरिएको छ । यसले ३३ घन्टा म्युजिक सुन्न सकिने क्षमता राख्दछ । यो एन्ड्रोइडको पछिल्लो ८.१ ओरियो भर्सनसँगै कल ओएस ५.० मा उपलब्छ छ ।
एआई प्रविधिले एफसेवेनको स्टोेरेज क्षमता पनि राम्रो रहेको छ । यसमा ४ जिबी र्याम र ६४ जिबी स्टोरजमा उपलब्ध छ । यसैगरी स्टोरेज क्षमता बढाएर ६ जिबी र्याम र १२८ जिबी स्टोरजमा पनि उपलब्ध गराएको छ । यसले पछिल्लो फोन एफाफइभका तुलनामा ८० प्रतिशत उत्कृष्ट कार्य प्रदर्शनी क्षमता रहेको कम्पनीले जनाएको छ ।
यसको मुल्य ४ जिबी र्याम र ६४ जिबी स्टोरेजमा ३६ हजार ५ सय ९० र ६ जिबी र १२८ जिबीको स्टोरेजमा ४६ हजार ५ सय ९० रहेको छ ।
