आईसीटी समाचार
सामाजिक संजाल फेसबुकमा कमेन्ट लेखेको बिषयलाई लिएर दुइ समूहका युवाहरुबीच झगडा हुँदा झापाको दमकमा बिहिबार दुईजना घाइते भएका छन् ।
यी दुई युवा समूहबीच छुरा तथा बोतल हानाहान भएको थियो र यहि क्रममा दमक – ५ का दुई युवा घाइते भएका हुन् । घाइते हुनेमा दमक – ५ का सन्दीप मगर र सिद्धान्त आचार्य रहेको इलाका प्रहरी कार्यालय दमकले जनाएको छ ।
प्रहरीका अनुसार घाइतेद्वयले एउटी युवतीको फेसबुकमा कमेन्ट गर्दा अर्का युवाको समूहले सांघातिक आक्रमण गरेका थिए ।
घाइतेको स्थानीय लाइफलाइन अस्पतालमा उपचार भइरहेको र झगडामा संलग्नको खोजी भइरहेको प्रहरीले जनाएको छ । घाइतेको टाउको र पेटमा चोट लागेको बताइएको छ ।
दिउँसै मध्यचोकमा चक्कु र छुरी बोकेर ग्याङ फाइट हुँदा त्यस क्षेत्रका बासिन्दा त्रसित भएका थिए। ।
