आईसीटी समाचार
राष्टिय सुचना तथा सञ्चार प्रबिधि सप्ताहका अवसरमा क्यान रुपन्देहीको आयोजनामा तिलोत्तमाको नयामिलमा सुचना प्रबिधि सम्वन्धि गोष्ठि सम्पन्न भएको छ ।
कार्यक्रममा बोल्दै उद्योग पर्यटन, वन तथा वातावरण मन्त्रि लिला गिरीले नेपाल सरकारले अहिले देशभरीका जिल्ला र स्थानीय तहलाई साक्षरता घोषणको अभियान चलाई रहेकोमा अव सुचना प्रबिधिको साक्षरता कार्यक्रम चलाउनु अपरिहार्य रहेको बताउनु भयो ।
क्यान महासंघका बरिष्ठ उपाध्यक्ष नवराज कुवरले आम नागरीकलाई सुचना प्रबिधिसंग जोडन महासंघले गाउ तहसम्म अभियानका रुपमा कार्यक्रम सञ्चालन गर्ने बताउनु भयो ।
कार्यक्रममा प्रधानमन्त्रि तथा मन्त्रिपरिषदको कार्यालयका सुचना प्रबिधि अधिकृत हरी पोख्रेल, स्मार्ट सीटी बिज्ञ हेमन्त बराल र स्काई इण्टरनेशनल कलेजका प्रचार्य सञ्जिव भण्डारीले पछिल्लो समयमा प्रयोग भइरहेका सुचना प्रबिधि , इमेल इण्टरनेट, फेशबुक, भाइभर, ट्वीटरको पयोगबाट हुने फाइदा र बेफाइदा, स्मार्ट सीटी बनाउनका लागि चाहिने आधारभुत आवश्यकता र सुचना प्रबिधिको प्रयोग गर्दा गलत क्रियाकलाप गर्नेबाट बच्ने उपायका सम्वन्धमा छुट्टाछुट्टै कार्यपत्र पेश गर्नु भएको थियो ।
क्यान रुपन्देहीका अध्यक्ष नारायण श्रेष्ठको अध्यक्षता र सचिव बिरु क्षेत्रीको सञ्चालनमा भएको कार्यक्रममा क्यानका प्रदेश संयोजक धु्रर्व शर्मा, तिलोत्तमा नगरपालिकाका प्रशासकीय अधिकृत कृष्ण प्रसाद सापकोटा लगायतले सुचना प्रबिधिको उपयोग र स्मार्टसीटीका सम्वन्धमा आ आफनो धारणा राख्नु भएको थियो ।
कार्यक्रममा तिलोत्तमा नगरपालिकाका वडाअध्यक्षहरु , अधिकृतस्तरका कर्मचारीहरु, बिभिन्न सरकारी तथा गैर सरकारी कार्यालयका प्रमुख तथा सञ्चार अधिकृत, कम्प्युटर क्षेत्रमा अध्ययनरत बिद्यार्थीहरुको सहभागिता रहेको थियो ।
