आईसीटी समाचार
विश्व चर्चित स्मार्टफोन कम्पनी नोकियाले लेटेस्ट मोडलको स्मार्टफोन नोकिया एक्स ६ चाइनिज बजार
मा सार्वजनिक गरेको छ । नोकियाको एक्स ६ ले सम्पूर्ण पुर्वानुमानलाई सावित गरेको छ ।
यसको लुक्स पनि एप्पल. आइफोन एक्सको कर्भ्ड साइड तथा साइनी लुक्सबाट प्रभावित छ र यो मोडलमा नच समावेस छ ।
चीनको बेइजींगमा एचएमडी ग्लोबल कम्पनीले नोकियाको लेटेस्ट स्मार्टफोन सार्वजनिक गरेको हो र अन्तर्राष्ट्रिय बजारमा चाँडै उपलब्ध हुने अनुमान गरिएको छ ।
उक्त फोन ब्ल्याक,ब्लु तथा ह्वाइट गरी तीनवटा कलरमा उपलब्ध हुने छ । नयाँ नोकिया एक्स ६ को स्क्रिन डिस्प्ले साइज ५.८ इन्च र १०८० x २२८० पिक्सेल सहित आइपिएस एलसीडी डिस्प्ले छ ।
यसकारण धेरै भिडियो हेर्ने र गेम खेल्न मन पराउने प्रयोगकर्ताहरुका लागि उपयोगी देखिएको छ । गोरिल्ला ग्लास भी ३ ग्लास द्वारा सुरक्षित यो डिभाइस झर्दा समेत केहि हुँदैन ।
साथै फोनको मेमोरी तथा अपरेटिङ सिस्टमको बारेमा कुरा गर्दा नोकिया एक्स ६ पहिलो नोकिया स्मार्टफोन हो,जसमा क्वालकम स्नापड्रागन ६३६ चिपसेट प्रयोग भएको छ । यसको ओक्टाकोर १.८ जिएचजेड क्लक स्पिड छ र ४ तथा ६ जीबी र्याम संस्करणमा उपलब्ध छ ।
यसमार्फत हामीले अनुमान गर्न सक्छौँ कि,नोकिया एक्स ६ मा लामो तथा गहन खेलहरु पनि आराम सँग बिना रुकावट खेल्न सकिन्छ।
३२/६४ जीबी इन्टनल मेमोरी छ,जसलाई एसडी कार्ड द्वारा बढाउँन सकिन्छ । साथै ८.१ ओरियो अपरेटिङ सिस्टममा यो फोनले रन गर्छ । यी सम्पूर्ण कुराहरु संचालन गर्नका लागि यसमा ३०६० एमएएचको ब्याट्री प्याक गरिएको छ ।
फोनमा अप्टिक्सको कुरा गर्दा,यसमा डुअल १६ एमपी र ५ एमपीको रियर क्यामेरा छ र सेल्फीको लागि १६ एमपीको सेन्सर छ । यसको क्यामेराबाट फोरके एचडी भिडियोहरु सजिलै खिच्न सकिन्छ । साथमा यसले स्लोमोसन पनि सपोर्ट गर्छ ।
क्यामेराको सफ्टवेयरमा एआइ,एचडीआर मोड,बोके इफेक्ट जस्ता फिचरहरु समेत रहेको छ । त्यसैले यसबाट फोटोग्राफी तथा भिडीयोग्राफी गर्न मजाले सकिन्छ ।
यसमा फेस अनलक सिस्टम तथा फिंगरप्रिन्ट सेन्सर छ । यसका साथै एक्सेलेरोमिटर,जायरो तथा कम्पास जस्ता अन्य सेन्सरहरु पनि छन् । नोकियाको यो नयाँ फोनको अन्तराष्ट्रिय मूल्यको बारेमा केहि पनि जानकारी दिइएको छैन । तर यसको चाइनिज मूल्य भने ४/३२ जीबीको १२९९ युआन र ४/६४ जीबीको १४९९ तोकिएको छ ।
