आईसीटी समाचार
नेपाल राष्ट्र बैंकको नाममा नक्कली फेसबुक पेज बनाएर गलत सूचनाहरु जारी भएको पाइएको छ । नेपाल राष्ट्र बैंकले आफ्नो नाममा नक्कली फेसबुक पेज बनाएर विभिन्न सूचना जारी भएको भन्दै त्यो आधिकारिक नभएको जनाएको छ ।
नेपाल राष्ट्र बैंकको अहिलेसम्म कुनै पनि आधिकारिक फेसबुक पेज नरहेकोसमेत जनाएको छ । ‘यस बैंकको नाममा खोलिएका फेसबुक पेजहरुमा आफ्नो कुनै पनि सूचना प्रबिष्ट नगर्नुहुन सुम्पूर्ण फेसबुक प्रयोगकर्ताहरुमा जानकारइ गराइन्छ,’ नेपाल राष्ट्र बैंकले सूचनामा भनेको छ ।
यसरी अनधकृत रुपमा नेपाल राष्ट्र बैंकको फेसबुक पेज सृजना गरी भ्रामक जानकारी पोष्ट गर्ने÷गराउनेलाई साइबर अपराधसम्बन्धी कानुन बमोजिम कारवाही हुने राष्ट्र बैंकले जनाएको छ ।
यस्ता भ्रामक फेसबुक पोष्टमा विश्वास नगर्न सर्वसाधरणामा नेपाल राष्ट्र बैंकले अनुरोधसमेत गरेको छ ।
