आईसीटी समाचार
विश्वकप फुटबल २०१८ को यस महाकुम्भको रौनकले विश्वलार्इ तरङ्गीत पारेको छ । जहाँतही विश्वकप फुटबलका चर्चा , विभिन्न देशका पहिरन र मेडिया सामाग्रीले भरीएका छन् ।
यसैक्रममा ‘ यसमा सबै छ ’ भन्ने नाराकासाथ राष्ट्रिय , अन्तराष्ट्रिय हरेक ठूला , साना जनमनमा प्रभाव पार्नसक्ने गतिविधिलार्इ समय सापेक्ष पस्किंदै आएको हाम्रो पात्रोले नया एप प्ले स्टोरमा उपलब्ध गराएको छ ।
यस पटक हाम्रो पात्रो प्रयोगकर्ताहरूका लागि App Store मा 'Football World 2018 ' एप उपलब्ध भएको छ । यो एपमा हुने प्रत्येक गतिविधिका अपडेटहरू हाम्रोपात्रोमा समेत प्राप्त गर्न सकिनेछ ।
विश्वकप फुटबललार्इ नेपाली प्रयोगकर्तासम्म जोड्ने प्रयास स्वरूप वर्ल्डकप एप २०१४ पनि सार्बजनिक गरेको कम्पनीले नयाँ एप्लिकेशनले प्रयोगकर्ताको त्यो उत्साहमा अझ उर्जा भर्ने विश्वास लिएको छ ।
फुटबल प्रेमीहरूले खेलका दौरान तथा आगामी खेलहरूबारे खोज्ने मुख्यतः सामाग्रीहरू जस्तैः खेल तालिका , देशहरू , टाइमलाइन , तत्काल हुने खेलका ताजा अपडेट तथा रिमाण्डरहरूको सजिलो प्रयोग नै यस 'Football World 2018 ' एपको विशेषता हो ।
आफूलार्इ मनपर्ने देशलार्इ फेब्रेट पनि गर्नमिल्ने सुविधा समेत एपले राखेको छ । जसकालागि देशको झण्डामाथी भएको फेब (पानपाते) बटन थिच्नुपर्नेछ ।
