आईसीटी समाचार
क्लबहाउसको अडियो च्याट रुम अब सबै प्रयोगकर्ताका लागि खुल्ला गरिएको छ । अब प्रयोगकर्ताहरुले वेटलिस्टका लागि पर्खनु पर्दैन् । सार्वजनिक भएको १६ महिना पछि एप अब बेटा चरणबाट बाहिर आउने भएको छ ।
कम्पनीले यही खुशीमा नयाँ लोगो पनि आज सार्वजनिक गरेको छ । क्लबहाउसका अनुसार अब प्रयोगकर्ताहरुले लिकं सेयर गरेर एपमा जोइन हुनका निम्ति इन्भाईट गर्न सक्छन् ।
कम्पनीका अनुसार दैनिक रुपमा एपमा आधा मिलियन अडियो च्याट रुमहरु हुने गर्दछन् र मेमा एन्ड्रोइड एप आएदेखि १० मिलियन मान्छेले एपमा साइन अप गरिसकेका छन् ।
त्यस्तै मेसेज प्रणाली आएदेखि पनि ९० मिलियन मेसेजहरु आदानप्रदान भईसकेका छन् । साधारण रुपमा क्लबहाउसमा हरेक दिन प्रयोगकर्ताहरुले एक घण्टा भन्दा बढि बिताउने गरेको पाइएको छ । क्लबहाउसले हरेक एक दुई हप्तामा ठूल्ठूला अपडेट सार्वजनिक गर्ने पनि सोचेको छ ।
ट्वीटर, फेसबुक, इन्स्टाग्राम, डिस्कर्ड र स्पटीफाई जस्ता सबै एपले अडियो च्याट रुमको फिचर ल्याएकाले क्लबहाउसले आफ्नो एप सबैका लागि खोल्न एकदमै महत्वपूर्ण भईसकेको थियो ।
