आईसीटी समाचार
“इली–ह्यानड हेलड ट्रान्स्लेटर” जापानी कम्पनी लग्बार आइएनसि. ले यात्रीहरुको लागी लक्षित गरेर बनाईएको भाषा अनुवाद गर्ने डिभाईस हो । यसले अंगे्रजीबाट स्पेनीस, जापानी र चिनियाँ भाषाहरु अनुवाद गर्दछ । यो हल्का र वाईफाई बिना पनि प्रयोग गर्न सकिन्छ । यो मात्र ४२ ग्रामको रहेको छ त्यसैले यसलाई बोकेर हिडँन सजिलो छ । यो सरल र प्रयोग गर्न सजिलो छ ।
यो एक तर्फी ट्रान्लेसन डिभाईस हो । यसले ०.२ सेकेन्डमा भाषा अनुवाद गर्दछ । कम्पनीले बताए अनुसार यसको ब्याट्री ३ देखि ५ दिन सम्म टिक्ने छ । ५० हजार भन्दा बढि यात्रुहरुले यसलाई विश्वास गरेका छन् ।
यसको परीक्षण प्रयोगमा प्रयोगकर्ताको ८०% ले यसको एक तर्फी ट्रान्लेसनलाई बढि रुचाईको थियो । दुई तर्फी ट्रान्लेसन अलिकति झन्झटिलो भएको प्रयोगकार्ताको भनाई थियो । यसको मुल्य २०० अमेरीकी डलर रहेको छ ।
यस कम्पनीको (सिइओ) मुख्य कार्यकारी अधिकारीका टाकुरो योसीडाका अनुसार यसमा पछि अन्य भाषा पनि थप्ने योजना रहेको छ ।
