आईसीटी समाचार
फेसबुकले अफगानिस्तानका प्रयोगकर्ताका लागि आफ्नो अकाउन्ट लक गर्नका लागि नयाँ टूल सार्वजनिक गरेको छ । यसले मान्छेको प्राईभेसी सेटिङ्गलाई परिमार्जन गर्नलाई मद्दत पुर्याउँछ ।
यो फेसबुकको ‘वान क्लिक’ टूल हो । यसले तपाईको टाइमलाइनको पोस्टहरुमा प्राईभेसी सेटिङ सुचारु गर्न दिन्छ । यसले प्रोफाइल फोटोहरुलाई डाउनलोड वा सेयर गर्नबाट रोक लगाउँछ ।
यो फिचरले नचिनेको मान्छेले तपाईको टाइमलाइनका केके हेर्न पाउने भनेर पनि सिमीत गर्ने गर्दछ । यो टूल तर इन्स्टाग्रामका लागि भने उपलब्ध नहुने कम्पनीले बताएको छ ।
इन्स्टाग्राममै पनि अकाउन्ट लक गर्न छुट्टै तरीकालाई एपले पप अपको माध्यमले प्रयोगकर्ताहरुलाई जानकारी गराउनेछ ।अफगानिस्तानमा फेसबुकले फ्रेन्ड लिस्ट पनि हेर्न नमिल्ने बनाएको छ ।
कम्पनीले आफ्नो तर्फबाट त्यहाँको प्रयोगकर्तालाई सुरक्षित बनाउन हरेक प्रयास गर्ने पनि बताएको छ र यसका लागि कम्पनीले छुट्टै अपरेसन केन्द्र पनि बनाइदिएको छ ।
