क्लबहाउसको आईओएस एपमा नयाँ फिचर, सहभागीसँग बसेर कुरा गरेको जस्तै अनुभव गर्न सकिने

क्लबहाउसले स्पाटियल अडियो फिचर ल्याएको छ । यसले अडियो गुणस्तरीयतालाई अझै राम्रो बनाउने गर्दछ । यो फिचर अहिले क्लबहाउसको आईओएस एपमा उपलब्ध भएको छ ।

यो फिचरबाट सहभागीहरूसँग बसेर कुरा गरेको जस्तै अनुभव गर्न पाइने छ । आवाजकै भरमा पनि को बोलेको पनि थाहा हुने गर्दछ ।

यो डिफल्ट फिचर हुनेछ र यसलाई प्रयोगकर्ताहरुले अफ पनि गर्न सक्नेछन् । एन्ड्रोईडमा पनि यो फिचर चाँडै आउने बताइएको छ ।

क्लबहाउसले सबै वायर र वायर बिनाको हेडफोनले स्पाटियल अडियो सपोर्ट गर्ने इनग्याजेटलाई बताएको छ । ब्लुटुथ अडियोमा यो फिचर अननै भएता पनि त्यति राम्ररी काम नगर्ने कम्पनीले बताएको छ ।