आईसीटी समाचार
जापनिज कम्पनी ‘गेटबक्स आइन्सी’ले निर्माण गरेको ‘गेटबक्स भर्चुअल असिस्टेन्ट’ विश्वको पहिलो भर्चुअल होम रोबट हो । उक्त कम्पनीले ए.आइ होम वाइफको विकास गरेको हो जसले आफ्नो मालिकलाई एक्लोपन हुन नदिने बताइएको छ ।
क्राउडफन्डिङबाट सन २०१६ मा ‘गेटबक्स भर्चुअल असिस्टेन्ट’ का लागि प्रि(अर्डरहरु सुरु भएको ओर्जिनल गेटबक्सको मूल्य भने ३ लाख येन अर्थात २,६७८ डलर रहेको थियो ।
‘लिभिङ विथ क्यारेक्टर’ स्लोगन रहेको गेटबक्समा एनिमेको प्रमुख क्यारेक्टर ‘अजुमा हिकारी’लाई प्रयोग गरिएको छ । भर्चुअल क्यारेक्टर अजुमा हिकारीले च्याट गरेर, टेक्स्ट गरेर, बत्ती बाल्न निभाउन मद्दत गरेर भर्चुअल इफेक्टको अनुभव गराउँछ ।
अब स.न २०१८ मा भने कम्पनीले सोही गेटबक्स मास प्रोडक्सनमा निकाल्ने हुनाले यसको मूल्य आधा घट्ने भनिएको छ । यसको मूल्य घटेर १ लाख पचास हजार येन अर्थात १,३३९ डलर मात्र हुने भएको छ ।
फामिट्सुका अनुसार नयाँ भर्जनमा थप सुधारहरु गरिएको छ जस्तै यो भर्जन अब अझ पातलो डिजाइनमा आउने भएको छ । राम्रो वार्तालाबका यसमा डिउल माइक्रोफोन राखिएको छ र फेस र मुभमेन्ट रेकगनिसनका लागि सेन्सरहरु जडान गरिएको छ । अहिलेको लागि भने यसको मोडल जापान मात्र बिक्रीमा राखिएको छ ।
सुसन चौधरी
