आईसीटी समाचार
फेसबुकले अब फेसबुकमा गरिएको पोस्ट सिधै इन्स्टाग्राममा पनि पोस्ट गर्न सकिने फिचर सार्वजनिक गर्ने भएको छ । यो भन्दा पहिले फेसबुकले क्रस पोस्टको सुविधाको रुपमा स्टाग्राममा राखिएको स्टोरिज र रिल्स फेसबुको स्टोरिजमा राख्न सकिने फिचर उपलब्ध गराएको थियो ।
अब यही फिचरको विपरीत फेसबुक पोस्टलाई नै इन्स्टाग्राममा समेत पोट गर्न सकिने बनाउने भएको हो । यो फिचर हालै सार्वजनिक भएको छ जसले गर्दा विस्तारै सबै प्रयोगकर्ताहरुले यो फिचर प्रयोग गर्न पाउनेछन् । पोस्टमा फोटो, भिडियो लगायतका क्रस पोस्ट गर्न सकिने छ ।
यो फिचर विशेष गरी इन्स्टाग्राम र फेसबुक दुवैमा प्रयोग गर्ने प्रयोगकर्ताका लागि एकदमै लाभदायी ठहरिनेछ । अब एउटै पोस्टका लागि दुई फरक प्ल्याटफर्ममा पटक पटक पोस्ट गर्नुपर्ने झन्झट यसले अन्त्य गर्नेछ ।
हालसम्म यो फिचर आधिकारिक रुपमो सार्वजनिक नभएको कम्पनीले जानकारी दिएको छ । यो फिचर फेसबुक अकाउन्ट र इन्स्टाग्राम अकाउन्ट लिंक भएका प्रयोगकर्ताले प्रयोग गर्न पाउनेछन् ।
