आईसीटी समाचार
अमेरिकाकी एक आमाले आफ्नी छोरीको आत्महत्याको कारण इन्स्टाग्राम र स्नापच्याट रहेको भन्दै मुद्दा हालेकी छिन् । उनले मेटा र स्नापच्याट विरुद्ध मुद्दा हालेकी हुन् ।
उनकी ११ वर्षीया छोरी सामाजिक सञ्चालको साह्रै लतमा फसेर आत्महत्या गरेको आमाको भनाइ रहेको छ । गत जुलाईमा ११ वर्षीया सेलिनाको सामाजिक सञ्चालको लतमा परेपछि आत्महत्या गरेकी हुन् ।
इनग्याजेटसँग कुरा गर्दै स्नापच्याटले सेलिनाको मृत्यु प्रति दुःख जाहिर गर्दै जहिले पनि आफ्नो प्रयोगकर्ता सुरक्षित ढगंले एप चलाउन भन्ने चाहने बताएको छ ।
सेलिनाकी आमा टयामी रोड्रीगेजले एपमा प्यारेन्टल कन्ट्रोल र बालबालिकाको उमेर भेरिफाई गर्ने केही पनि नरहेको भनेर गुनासो पनि राखेकी छिन् ।
उनले एपको लतले गर्दा छोरी सुत्न नसक्ने, डिप्रेसनको शिकार भएको, स्कुल जान नमान्ने, खाना नखाने गर्दा गर्दै अन्तयमा आत्महत्यानै गरेको बताएकी छिन् । यस्तो अरु बालबालिकासँग नि हुन सक्ने चेतना फैलाउन रोड्रीगेजले मुद्दा उजुरी गरेकी हुन् ।
