आईसीटी समाचार
सन् २०२१ मा सामाजिक सञ्जाल प्रयोग गरेर ह्याकरहरुले कम्तिमा पनि ७७० मिलियन अमेरिकी डलर चोरी गरेको पाइएको छ ।
एफटिसीले सार्वजनिक गरेको रिपोर्ट अनुसार ९५ हजार भन्दा बढि प्रयोगकर्ताहरुको ७७० मिलियन अमेरिकी डलर चोरी भएको बताएको छ । सन् २०२० माह्याकरहरुले २५८ मिलियन अमेरिकी डलर मात्रै चोर्न सफल भएका थिए ।
गत पाँच वर्षमा स्कयामरको संख्यामा एकदमै वृद्धि भएको रिपोर्टले बताएको छ । गत वर्षहरुमा रोम्यान्स स्कयामको पनि एकदमै वृद्धि भएको पाइएको छ ।
यस्तो स्क्याम धेरैजसो नचिनेको मान्छेले फ्रेण्ड रिक्वेस्ट पठाएर राम्ररी कुरा गर्न थाल्ने र त्यसपछि पैसा माग्ने गरेर सञ्चालन गर्ने गरिन्छ ।
अनलाइन सपिङमा पनि धेरै स्कयाम हुने गरेको पाइएको छ । सामान डेलिभरी नगर्ने र पैसा मात्रै लिने गरेको धेरै ठाउँमा पाइएको छ । रिपोर्टमा सामाजिक सञ्जाल अन्र्तगत पनि फेसबुक र इन्स्टाग्रामको नाम मात्रै उल्लेख गरिएको पाइएको छ ।
धेरैजसो रोम्यान्स स्कयाम र अनलाइन सपिङ स्कयाम फेसबुक र इन्स्टाग्रामकै माध्यमले हुने गरेको पाइएको छ ।
