आईसीटी समाचार
बायोमेट्रिक डेटामा समस्या भेटिएपछि लाखौँ प्रयोगकर्ताको निजी जानकारी चोरी हुने सक्ने पाइएको छ ।
डिसेम्बर १९ मा सुरक्षा अन्वेषक मिक्केल टकंले फ्रन्ट एण्ड एप्लिकेशन प्रोग्रामिङ इन्टरफेस ( एपिआई ) भेटाएका थिए, जुन विश्व्यापी रुपमा प्रयोग गरिएको धेरै एपहरुमा रहेको थियो ।
यसले गर्दा बायोमेट्रिक डेटा खतारमा परेको हो । ओनफिडो, एक आईडी भेरिफाई गर्ने सेवा प्रयोग गरेका एपहरुमा सेक्युरिटीमा समस्या आएपछि बायोमेट्रिक डेटा बाहिरिएको हो, जसबाट क्लयान्टहरुले दिएको निजी जानकारी डाउनलोड गर्न सकिन्छ ।
कारोबार गर्ने एप एफएक्स प्रो डाईरेक्ट जस्ता ठूला व्यवसायहरु यो ब्रिचबाट मारमा परेका छन् । गूगल प्ले स्टोरमा यो एपको ५० लाख डाउनलोड रहेका छन् । त्यस्तै ४ लाख डाउनलोड रहेको बेलायतमा आधारित रहेको सेभिङ एप चिपलाई पनि यो सेक्युरिटी समस्याले फरक पारेको छ ।
मोड नामक क्रिप्टोकरेन्सी एपका प्रयोगकर्ताहरुलाई पनि यस समस्याले असर पारेको छ । यस ब्रिचले एन्ड्रोइड प्रयोगकर्ताहरुलाई मात्रै नभएर आईओएस प्रयोगकर्ताहरुलाई पनि असर पारेको छ तर आईओएसले डाउनलोड डेटा सार्वजनिक नगर्ने हुँदा कति जना प्रयोगकर्ता प्रभावित भएका छन् भनेर थाहापाउन सकिएको छैन् ।
