आईसीटी समाचार
सन् २०२१ मा विश्वव्यापी रूपमा ४० बिलियन भन्दा बढी रेकर्डहरु सार्वजनिक भएको पत्ता लागेको छ । साईबर एक्सपोजर कम्पनी टेनेबलले सन् २०२१ मा भएको डेटा ब्रिचको स्केललाई अडिट गरेको थियो र कम्पनीले सन् २०२१ मा ४० बिलियन भन्दा बढि रेकर्डहरु बाहिरिएको पत्ता लगाएको हो ।
कम्पनीले गरेको सर्वेक्षणले डेटा ब्रिच एकदमै तिव्र गतिमा भईरहेको देखाएको छ । टेनेबलको रिपोर्ट अनुसार ४० अर्ब ४१ करोड ७१ लख ६७ हजार ९ सय ३७ जनाको रेकर्ड विश्वव्यापी रुपमा सार्वजनिक भएको पाइएको छ ।
टेनेबलको सेक्युरिटी रिस्पोन्स टिमले सार्वजनिक रूपमा खुलसा भएका नोभेम्बर २०२० देखि अक्टोबर २०२१ सम्मका १ हजार ८२५ डेटाको विश्लेषण गरेको थियो । त्यसका आधारमा कम्पनीले एक वर्षमा ४० बिलियन रेकर्ड सार्वजनिक भएको पत्ता लगाएको हो ।
सन् २०२० मा २२ बिलियन रेकर्डहरु बाहिरिएका थिए र सन् २०२१ मा यो संख्या एकदमै वृद्धि भएको देख्न सकिन्छ । डेटा ब्रिचमा ३८ प्रतिशत ब्रिचहरु यार्नसमवेयर आक्रमणका कारणले हुने गरेको पनि टेनेबलले पत्ता लगाएको छ ।
