आईसीटी समाचार
इन्टरनेट सेवा प्रदायक कम्पनी नेट म्याक्स टेक्नोलोजीजको लाइसेन्स खारेज भएको छ । तोकिएको समयमा नवीकरण नगरेपछि नेट म्याक्सको लाइसेन्स स्वतः खारेज भएको हो ।
नवीकरणका लागि तोकिएको समयावधि भित्र नियमानुसार निवेदन पेश नगरेकोले दूरसञ्चार ऐन, २०५३ को दफा २५ (५) बमोजिम लाइसेन्स स्वतः रद्ध भएको नेपाल दूरसञ्चार प्राधिकरणले जनाएको छ ।
ललितपुरको नेट म्याक्सले २०६६ सालमा इन्टरनेट (इ-मेल सहित) सेवा प्रदायकको लाइसेन्स लिएको थियो ।
साथै नेट म्याक्सले नियमानुसार तिर्न/बुझाउन पर्ने रकमका सम्बन्धमा ३० दिन सम्पर्क गर्न प्राधिकरणले अनुरोध गरेको छ । अन्यथा प्रचलित कानून अनुसार कारवाही प्रक्रिया अगाडी बढाईने समेत प्राधिकरणले जानकारी दिएको छ ।
