आईसीटी समाचार
सरकारले आईटी पार्कका लागि सरकारी तथा निजी भवन उपयोग गर्ने भएको छ ।
संघीय संसदको संयुक्त बैठकमा आर्थिक वर्ष २०८१/८२ को बजेट प्रस्तुत गर्दै अर्थमन्त्री वर्षमान पुनले यस्तो बताएका हुन् ।
काठमाडौं उपत्यका र बुटवलमा उपलब्ध सरकारी तथा निजी भवन उपयोग गरी उच्च गतिको इन्टरनेट, विद्युत सुरक्षा लगायतका पूर्वाधारसहित सूचना प्रविधि पार्क सञ्चालनको काम अगाडि बढाइने पुनले बताएका हुन् ।
यस्तो पार्कमा वर्क स्टेशन सञ्चालन गर्न निःशुल्क स्थान उपलब्ध गराइने समेत उनले घोषणा गरे ।
साथै सार्वजनिक निजी साझेदारीमा उत्याधुनिक सूचना प्रविधि हब सञ्चालन गर्नका लागि काठमाडौंको डिल्लीबजारस्थित चारखालमा बहुतले संरचना निर्माण पनि हुनेछ ।
यस बाहेक ललितपुरको खुमलटारमा ज्ञानपार्क स्थापना गर्न १७ करोड विनियोजन गरिएको छ ।
