स्नेहा झा
स्मार्टफोन हाम्रो महत्त्वपूर्ण आवश्यकता मध्ये एक हो, तर एएटा यस्तो सामान्य समस्या छ, जुन हामी मध्य धेरै स्मार्टफोन प्रयोगकर्ताहरूले सामना गर्नुपर्ने हुन सक्छ ।
यो समस्या ब्याट्री ड्रेनसँग सम्बन्धित छ । जब हाम्रो फोन पुरानो हुँदै जान्छ, हामीले ब्याट्रीको क्षमता पनि कम हुँदै जान्छ । यदि तपाई आफ्नो फोन लामो समयसम्म प्रयोग गर्न चाहनुहुन्छ भने पावर बैंक प्रयोग गर्न सक्नुहुन्छ ।
पावर बैंकको मद्दतले तपाईले लाइट नभएको वा चार्जर नभएको अवस्थामा पनि आफ्नो डिभाइस चार्ज गर्न सक्नुहुन्छ । यस्तो अवस्थामा, यदि तपाई नयाँ पावर बैंक किन्न चाहनुहुन्छ भने हामी तपाइँलाई केहि महत्त्वपूर्ण कुराहरू बताउनेछौ । यी कुराहरूलाई ध्यानमा राखेर, तपाईं सही पावर बैंक किन्न सक्नुहुन्छ ।
चार्ज गर्ने क्षमताको ख्याल राख्नुहोस्
जब तपाई पावर बैंक खरिद गर्ने तयारी गर्दै हुनुहुन्छ, तपाईको डिभाइसलाई १ प्रतिशत सय प्रतिशतसम्म पूर्ण क्षमतामा कम्तिमा दुई वा तीन पटक चार्ज गर्न सक्छ भन्ने कुरालाई ध्यानमा राख्नु पर्छ ।
यसको मतलब यदि तपाईको फोनमा ३००० एमएएच ब्याट्री छ भने तपाईले कम्तिमा १० हजार एमएएचको पावर बैंक खरिद गर्नु पर्नेछ ।
बलियो ब्याट्री हुनुपर्छ
पावर बैंक किन्नु अघि यसको ब्याट्री शक्तिशाली हुनुका साथै सुरक्षित पनि हुनुपर्छ भन्ने कुरामा ध्यान दिनुपर्छ । हामी तपाईलाई बताउछौं कि यो ब्याट्री लिथियम पोलिमर वा लिथियम आयन सेल हुनुपर्छ।
यसका साथै तपाईले जुनसुकै पावर बैंक किन्नु हुन्छ, त्यसको ब्याट्री सर्टिफाईड हुनुपर्छ भन्ने कुरामा पनि ध्यान दिनुपर्छ । यो महत्त्वपूर्ण छ किनभने यसको मद्दतले तपाईंले सही प्रडक्ट पाउनुहुनेछ ।
सुरक्षा सुविधा
कुनै पनि उत्पादन खरिद गर्दा, हामी सधैं यसको महत्त्वपूर्ण विवरणहरू पढ्छौं । तसर्थ, तपाईंले किन्ने विचार गरिरहनु भएको पावर बैंकको उत्पादन सारांश पढ्नु वा खरिद गर्नु अघि आफ्नो डिलरसँग कुरा गर्नु महत्त्वपूर्ण छ ।
पावर बैंक सुरक्षा सुविधाहरू सहित आउँछन्, जसले एकीकृत सर्किटलाई सुरक्षित राख्छ । तपाईंको पावर बैंकलाई ओभर चार्जिङ, कम डिस्चार्जिङ र सर्ट सर्किटबाट जोगाउँछ ।
यूएसबी पोर्ट
पावर बैंक केवल डिभाइस चार्ज गर्न प्रयोग गरिन्छ । यस्तो अवस्थामा पोर्टको संख्या महत्वपूर्ण पक्ष हो । त्यसैले कम्तिमा २ यूएसबी पोर्ट भएको पावर बैंक खोज्नुहोस् ।
यसबाट तपाईले एकै पटक धेरै डिभाइस चार्ज गर्न सक्नुहुन्छ । यसले तपाइँको स्मार्टफोन, आईप्याड, एम्पीथ्री प्लेयर, स्पिकर र डिजिटल डिभाइस चार्ज गर्न सक्छ ।
