आईसीटी समाचार
स्मार्टफोन आजको दिनमा मानिसको अत्यावश्यक साधन बनिसकेको छ । बिहान उठेदेखि राति नसुतेसम्म हातमा स्मार्टफोन हुन्छ ।
एकछिन स्मार्टफोन नहुँदा हामीलाई छटपटी हुन थाल्छ । हामीले चलाइरहेको फोनले कहिलेकाँही एक्कासी चार्ज गर्न छोड्छ । चार्ज गर्न छाड्नु अनेक कारण हुन सक्छन् ।
हार्डवेयर डिफेक्ट बाहेक अन्य अवस्थामा प्राय हामी आफै चार्ज नगर्ने अवस्थालाई ठिक गर्न सक्छौं । त्यसैकारण आज हामी तपाईंलाई केही टिप्स दिदैछौं, जसको सहयोगले आफ्नो चार्ज नहुने फोनलाई पुनः चार्ज गर्न सक्नुहुनेछ ।
फोनको चार्जिङ ठीक गर्न १० टिप्स
– सबैभन्दा पहिले, तपाईंले आफ्नो स्मार्टफोनको कभर हटाउनुपर्नेछ । हुनसक्छ तपाईंको फोनको कभरले चार्जिङ पोर्ट वरिपरि अवरोध सिर्जना गरिरहेको छ, जसले गर्दा चार्जिङ केबल ठीकसँग कनेक्ट हुन सकेको छैन् । कभर हटाएपछि तपाईंको फोन चार्ज हुन सुरु हुनसक्छ ।
– कहिलेकाहीं यदि हाम्रो फोन पानीको सम्पर्कमा आएको छ भने, त्यो चार्ज गर्न छाड्न सक्छ । यदि तपाईंको फोनको चार्जिङ पोर्टमा पानी छिरेको छ भने, अधिकांश स्मार्टफोनहरूले चार्ज गर्दैनन् । सुनिश्चित गर्नुहोस् कि तपाईंले आफ्नो फोन राम्रोसँग सुकाउनुभएको छ र त्यसपछि पुनः चार्ज गर्ने प्रयास गर्नुहोस् ।
– फोन चार्ज नहुनुको पछाडि फोन तातो हुनु पनि एउटा कारण हुनसक्छ । धेरैजसो अवस्थामा, गर्मीको कारणले फोन ब्याट्रीको सुरक्षाका लागि चार्जिङ बन्द गर्छ । यस्तो अवस्थामा, तपाईंको फोनलाई चिसो ठाउँमा राख्नुहोस् र चिसो भएपछि पुनः चार्ज गर्नुहोस् ।
– सम्भव छ कि तपाईंको स्मार्टफोनको चार्जिङ ब्रिक वा केबल बिग्रिएको छ । तपाईंले अर्को चार्जर वा केबल प्रयोग गरेर चार्ज गर्ने प्रयास गर्न सक्नुहुन्छ ।
– तपाईंले आफ्नो पावर स्रोत (जस्तै प्लग वा सकेट) मा कुनै समस्या छ कि छैन भनेर पनि जाँच गर्नु पर्छ । यदि पावर स्रोत सही ढंगले काम गरिरहेको छैन भने, तपाईंको फोन चार्ज हुनेछैन् ।
– कहिलेकाहीं चार्जिङ पोर्टमा धुलो वा फोहोर अड्किन्छ । यदि यस्तो भएको छ भने, यसलाई सावधानीपूर्वक कुनै नरम वस्तु जस्तै प्लास्टिक टूथपिक वा कम्प्रेस्ड एयरको सहायताले सफा गर्नुहोस् ।
– सबै ब्याकग्राउन्डमा चलिरहेका एपहरू बन्द गर्न प्रयास गर्नुहोस् । कहिलेकाहीं यी एप्सले धेरै ब्याट्री लिन्छन्, जसले गर्दा फोन चार्ज भइरहँदा पनि डिस्चार्ज हुन सक्छ ।
– यदि केही पनि काम गरिरहेको छैन र तपाईंको फोनमा वायरलेस चार्जिङको विकल्प छ भने, तपाईंले त्यसलाई प्रयोग गर्ने प्रयास गर्न सक्नुहुन्छ ।
– यदि तपाईंको ब्याट्री धेरै पुरानो छ भने, यो पनि एउटा कारण हुन सक्छ । फोनको ब्याट्रीलाई सीमित संख्यामा मात्र चार्ज गर्न सकिन्छ ।
– अन्त्यमा, यदि केही पनि काम गरिरहेको छैन भने, तपाईंको फोनको ब्रान्डको ग्राहक सेवा केन्द्रमा सम्पर्क गर्ने प्रयास गर्नुहोस् ।
