आईसीटी समाचार
अब काठमाडौं उपत्यका खानेपानी लिमिटेडको बिल अनलाइनबाटै तिर्न सकिने भएको छ । अनलाइनबाटै खानेपानीको महशुल तिर्न सकिने भएपछि महशुल भुक्तानी गर्न लामो लाइन लाग्नुपर्ने बाध्यताको अन्त्य भएको छ ।
ग्राहकको सजताका लागि अनलाइनबाटै खानेपानीको बिल तिर्न सकिने व्यवस्था गरेको काठमाडौं उपत्यका खानेपानीले जनाएको छ ।
अब इसेवा, एनएमबि बैंक र नेपाल इन्भेष्टमेन्ट बैंकबाट काठमाडौं उपत्यका खानेपानीको बिल भुक्तानी गर्न सकिने छ ।
इसेवाको वेबसाइटबाट काठमाडौं उपत्यका खानेपानी लिमिटेडको बिल भुक्तानी सेवा शुरू भएको मोबाइल एपमा पनि छिट्टै उपलब्ध हुने इसेवाले जनाएको छ ।
त्यस्तै एमएमबि र नेपाल इन्भेष्टमेन्ट बैंकबाट यो सेवा केही दिनमै शुरू हुने कम्पनीले जनाएको छ । साथै काठमाडौं उपत्यका खानेपानी लिमिटेडको शाखा कार्यालयमा गएर पनि महशुल भुक्तानी गर्न सकिने छ ।
काठमाडौं उपत्यका खानेपानी लिमिटेडको अनलाइन सेवा Kathmanduwater.org बाट खानेपानी लिकेज, खानेपानी वितरण तालिका, मिटर रिडिङ लगायतको जानकारी लिन सकिने छ ।
